全民皆股之 活學活用篇

話說朋友Ｋ在優拉糖果朝聖旅途中認識了台妹Ｗ
回港後排山倒海的相互攻勢下
朋友Ｋ一鼓作氣再飛到台中找她
纏綿過後發現不能解決的結構性矛盾
苦苦相就亦逃不過一記冷冷的短訊
“我不知道有甚麼不對但事情就是不對“
過於認真的朋友Ｋ不幸地直墜谷底粉身碎骨

以下是作為投資顧問的他與同事的真實對話

「聽講你被人掟貨喎」
「係喎，心情好差，無晒心機呀。」
「唔開心啲咩啫，我都唔知你做乜要咁認真，成件事好明顯就係對沖基金炒短線獲利回吐啦。」
「是ｘ但啦，咁我有情緒都好正常啫。」
「頂…. 而家只不過係一間上市公司被私有化之後恢復上市地位之嘛，有乜咁大不了啫。」
「但係大股東掟貨令市場信心非常波動，個價跌到好殘，仲未好似見底，好傷。」
「妖，你私有化完咪重新再出IPO囉，有乜咁有不了啫，你試下標一蚊睇吓會唔會有人排隊？」
「咁如果咁賤價發新股，就完全失去上市集資既意義啦，而家個價咁殘根本完全反映唔到公司既實際價值，仲要係大幅折讓添。」
「咁咪再搵過個策略性投資者囉…」
「無心機嘛。」
「得喇，你死得架喇你。」
「……………..」

REMARKS:
I. 掟貨者，大股東或策略性投資者不問情由，突然將手上股權盡出；可能代表公司內部營運出現問題或已嚴重脫離市值，簡單講即係唔抵揸。少數公司管理層甚至會懷疑自己能力及公司投資價值
II. 由於短期供應急增，而市場無人接貨，一般股價都會插水。
III. 策略性投資者沽貨並不影響公司營運，但影響股價足以令公司士氣下沉，因為無論係公司派既期權定係喺市場上當身家大手掃入嘅窩輪，全部都會化成泡影，一鋪清袋。
IV. 遇到心儀嘅投資者時，絕對唔應該以折讓價質貨。因為短線資金抽得太緊只會令人放棄收購，亦只會令人懷疑公司價值；逐步增持比快速槓桿式收購 (LBO)更穩健及予人信心。


朋友Ｋ
我會好好收起你帶回來的優拉糖果親筆簽名ＴＥＥ的
你也好好收起那過度奔放急流似的感情吧
過眼雲煙
早就煙消雲散啦
全院散場只剩你獨自乾喊ＥＮＣＯＲＥ
無人應架勒
好吧
來給你一個安慰的擁抱！！！